Sarah Geronimo on sweet photos with Matteo Guidicelli: "Proud naman kasi kami talaga."

Aminado si Sarah Geronimo na mas bukas na siya ngayon pagdating sa pagkakamabutihan nila ni Matteo Guidicelli.
Patunay nito ay ang ilang mga pagkakataon kung saan makikitang lumalabas ang rumored couple kasama ng kanilang common friends.
Una na rito ay ang pakikipag-double date nina Sarah at Matteo sa mag-asawang Judy Ann Santos at Ryan Agoncillo.

Bukod sa magkakasama silang nanood kamakailan ng pelikulang Maybe This Time—ang pelikula ng Popstar Princess katambal si Coco Martin—minsan na ring namataan sina Sarah, Matteo, Judy Ann, at Ryan sa isang triathlon event.

Matamis ang pagkakangiti ni Sarah nang direkta siyang tanungin tungkol sa naturang “double date.”  
“E, proud naman kasi kami talaga. Oo, happy naman tayo,” pahayag ng dalaga.
At nito lang June 9 ay mabilis kumalat sa social media ang larawan ni Matteo na mahigpit ang pagkakayakap kay Sarah.

Komento ni Sarah tungkol dito, “Siyempre wala naman tayong control kung ano yung iisipin ng mga tao.”
Ang kumalat na sweet photo ng dalawa ay kuha sa isang restaurant kung saan nag-treat ng dinner si Matteo para sa kanyang mga kaibigan.
Kaya tinanong ng PEP.ph (Philippine Entertainment Portal) si Sarah kung ano ang reaksiyon niya dahil tila mainit ang pagtanggap sa kanya ng mga kaibigan ni Matteo.
“Oo naman. Siyempre nandito tayo para suportahan siya at saka makilala yung mga kaibigan niya,” sagot ng Popstar Princess.  
Bagamat hindi nagdetalye si Sarah tungkol sa tunay na estado ng relasyon nila ni Matteo, inihayag ng singer-actress kung gaano siya kasaya dahil consistent ang actor/triathlete sa panunuyo sa kanya.
(c) PEP http://www.pep.ph/news/43801/sarah-geronimo-on-sweet-photos-with-matteo-guidicelli-proud-naman-kasi-kami-talaga